بالمال تتعلم في أرقى المدارس العلوم والسلوك والفكر والتفكير والانضباط والتحضر
وتدرس في أحسن جامعات العالم وتحصل على أعلى الدرجات العلمية في منتهى الراحة وبخدمة مميزة وتحت إشراف أكبر العلماء علما ومعرفة
بالمال تنتقي أجمل جميلات العالم وأحسنهن أصلا وفصلا وتحتفل بعرس ولا في الخيال وشهر عسل يقطر شهد..
بالمال ستجد دائما من يودك ويزورك ويهنئك في كل المناسبات وبلا مناسبات
ستجد إهتماما غير عادي وحفاوة في كل وأي مكان تذهب إليه
وتعيش حياة مترفة هنية مطمئنة لا تثور ولا تتزمر
حتشرب ماء من أنقى ينابيع العالم وتاكل طعام خالي من أي مواد كيماوية,وبيت ومكتب وسيارة مكيفة مالهاش دعوة بتلوث الهواء ولا غيره
ولو تأخر الإنجاب مفيش مشكلة..بالمال إشتري العلم ..أعمل فحوصات في أي مكان في العالم ..وابتداءا من طفل الأنابيب حتى "إستئجار الرحم" كله موجود وتحت الأمر
ولو حصل زلزال أو حتى مظاهرة في بلدك لا تنزعك..أركب طائرتك الخاصة واتجه فورا لجزر الواق واق واتفرج من بعيد لبعيد
أما لو حبيت تغير قلب أو كبد أو تستبدل كلية برضك مفيش مشكلة ..كله بالمال...
حتى لو جالك_بعد الشر_غيبوبة حتعيش برضك بمالك بالأنابيب وأجهزة التنفس ..لغاية لما فلوسك تخلص
بالمال يقام لك جنازة- بعد طول عمر- فخمة ضخمة يحضرها علية القوم والمشاهير
بالمال تحيا حياة سعيدة مرحة فرحة مديدة ..
أما الفقير...
لو إتعلم...فرضا..حيطلع جاهل لا يعرف حتى يكتب اسمه من المدارس المجانية العظيمة
حيطلع متعلم حاجات تانية غير العلم...ابتداءا من "الصراع" على كرسي بالفصل وانتهاءا بتكسير كل ماهو للغير..وتحطيمه
حتتجوز اللي ترضى بيك وبغلبك وفقرك..تصور حتكون ايه يعني إلا أغلب منك وأفقر
وتسكن في عشه او شقة اوضةوصالة وعفشة ميه وربنا يسترها معانا ويقينا شر الزلازل والإضرابات والقلق والعطلة عن أكل العيش والأجر اليومي
لن تجد من يودك ولا يسأل عنك فأقرانك زي حالتك مشغولين طول النهار في الجري وراء لقمة العيش ويادوبك يروحوا يترمو على السراير زي القتلى
وطبعا لو قدرك رماك انك تروح أي جهة لتقضي مصلحة ما حتقابل بكل أنواع الإهمال والتجاهل
حتشرب ماء ملوث من الحنفية وطعام مسرطن عشان رخيص_لو فيه أكل رخيص أصلا- وتركب اتوبيس ينفث في وجهك دخان الرصاص
وتسلم أمرك لله لو ما خلفتش فالعين بصيرة والإيد قصيرة
وفي الغالب بعد كل الهم والغم والسرطنة والتلوث أما حتصاب بفشل كلوي أو قلبي أو كبدي..نقي اللي يعجبك
وعلى ما تدوخ السبع دوخات عشان تحصل على دور في أي مستشفى مجاني وتلاقي واحد أفقر منك يتبرع ليك بحاجة ...يكون السر الإلهي طلع وعلى طول توارى التراب عشان إكرام الميت دفنه
الله يرحمنا جميعا...
كتبها osama في 07:12 مساءً ::
اسامة
مرور مسائي معطر بذكر الرحمن
ولي عودة باذنه تعالي
كن بخير
حول ولا قوه الا بالله
ليه بس كده؟؟
علي فكره الصوره مش سوداء قوي كده
لانه الغني ده عمره ما راح يشتري السعاده لانه يكفي بيكون حاسس انه كل اللي بيودوه ويحبوه بيكون لفلوسه
وبيكون صحته مش كويسه زي ما ات فاكر ولا فيش مستشفي راح تداوي جراحه اصلا
ده غير انه اللي حواليه مستنيين موته ويتقلب من هنا وينكبوا علي الثروه بما فيهم اولاده
وبيكفي انه من غير راحه بال علي الاطلاق
وتعالي شوف كل العلماء حتي اللي في اخارج
اغلبهم ان لم يكونوا جميعا من اسر وبيئات فقيره
لانه الغني وكل شئ في متناول ليد ده بيقتل ملكه الابداع والحافز علي النجاح
شوف الطفل الفقير وهو بيعمل عروسه يديوا
وبيعمل سياره ولا عجله من اي شئ
ده الخلق والابداع اللي محروم منه المحروس علي ايدي الشغالين والسواقين اللي بيربوه اصلا مش اهله
صدقني الصوره مش بهذا القتامه
تحياتي لك
والله أوجعتنا يا اسامة..
كتبت آلامنا بابتسامة..
.......................
تجولت بمدونتك فعرفت
أنك مبدع ومجيد..
قررت أن لا تقرر أى شيئ
ولا ترى كل شيئ
واكتفيت بكونك.. لا تريد
انت تكتب بكل احساسك ..
دمت صادقا مع نفسك..
ودام التواصل..
تعرف ياعم اسامه لا الغنى مرتاح ومبسوط ولا الفقير مرتاح ومبسوط...لأننا ببساطه عمرنا ما ح ناخد الاربعه وعشرين قيراط كاملين ...ده احنا اتخلقنا فى كبد ياعم اوسامه ياطيب .
جميل ماخطه قلمك
متميز هو ادراجك
رائعه هى مدنوتك
طاب يومك
تحياتى
اقلام تسطر احزان
عزيزي أسامة
صباحك ورد
السعادة ليست في الغني والمال بل الرضا والتقرب إلي الله
معظم الأغنياء يعيشون في هم وتنتهي حياة بعضهم بالانتحار
أما الفقير الذي لا يجد إلا ما يسد الرمق ويرضي بحاله ولا ينظر إلي غيره من أسعد الناس في هذه الحياة
أحيييك عي أسلوبك في الكتابة
تحياتي
موضوعك فى منتهى الروعه
بجد متميز ورائع
عملت مقارنه بين الفقير والغنى بكل حياديه
هو ده الواقع المؤلم اللى احنا عايشينوه وما بيتغيرش ابدا
ومش عارفه امتى الفقير هيفضل راضى بحالته دى ولامتى الغنى يفضل مالوش دعوه بالفقير
تحياتى وخالص تقديرى
مرحبا
اعتذر لعدم الزيارة
ثانيا انا معك في كل كلمة تقولها بهذا المقال
تقبل تحياتي
لكم كل الشكر والتقدير لزيارة مدونتي لاننسي مشاركتنا الفرحة في اطلاق سراح زميلنا الرائع سامي الحاج مصور قناة الجزيرة الذي اعتقل في غوانتاناموا على يد الصهانية والأمريكان
وردت أخبار غير مؤكده لقناة مكتوب الإخبارية بأن المدون المفتكس لا زال على قيد الحياة .. وانه شوهد ليلة أمس بمدونته إفتكاسة .. جدير بالذكر ان المفتكس قد إختفى منذ شهور ولم يعثر له على مكان حتى ليلة أمس ..واعتقد البعض انه تم اعتقال المفتكس على إثر نشره لقصيدة (عشان انت مصري)وهي قصيدة ساخرة تصور ما آل اليه حال الشعب المصري من سوء .. كما ذكر آخرون انه تم اعتقال المفتكس على خلفية إضراب 6 أبريل مع مجموعة من الناشطيين السياسين وبرهن أصحاب هذا الرأي بظهور (إسراء عبد الفتاح) التي أختفت منذ أحداث 6 ابريل ولم يعثر لها على مكان إلا بعد ان تم الإفراج عنها منذ أيام من سجن القناطر .. وأغلب الظن ان المدون المفتكس كان معتقلاً بسجن جوانتانمو خاصة وانه صاحب ظهور المفتكس ليلة أمس عودة مصور الجزيرة (سامي الحاج) إلى بلده السودان بعد اعتقال دام 6 سنوات في معتقل جوانتنامو بكوبا ..
هذا وقد أكد شهود عيان أن المفتكس عاد ومعه هدية لكل المدونين العرب .. مزيد من الأخبار عن المفتكس وهديته في نشراتنا القادمة
--- فاصل----
--- قناة مكتوب الإخبارية تأتي بالعالم بين يديك ---
اخي العزيز
انا سندريلا
ودي مدونتي المؤقته الجديده
وعندي موضوع هاااااام جدا يهمني رايك فيه
تحياتي لك
يسعد صباحك اسامة
بالرغم من الاختلاف الكثير في وجهات نظر الاخوة المعلقين الا انك فعلا تكلمت الحقيقة التي لامهرب منها والواقع المؤلم الذي نعيش فيه سلمت يداك .
رسالة من مدونات مكتوب
الأخوة والأخوات الأعزاء
تحية طيبة للجميع...
نود إعلامكم بأننا قمنا باسترجاع المدونات التي تم سرقتها بكامل محتوياتها كما قمنا بتغيير كلمة السر الخاصة بكل واحدة... لذا نرجو من أصحاب المدونات المسروقة ممن لم يراسلونا حتى الآن، أن يقوموا بمراسلتنا لمعرفة كلمة السر الجديدة، سنقوم بإرسال كلمة السر الجديدة لكل مدونة إلى البريد الإلكتروني البديل الذي تم إدخاله عند انشاء الحساب الخاص بالمستخدم على موقع مكتوب.
كما نرجو أن تحتوي الرسالة على المعلومات التالية لتأكيد أن يكون المرسل هو صاحب المدونة الحقيقي:
1. اسم المستخدم لبريدك على مكتوب رابط مدونتك.
2. تذكير كلمة السر.
3. تاريخ الميلاد.
شكراً لتعاونكم وبانتظار رسائلكم.
أسرة مدونات مكتوب
ليه موضوعك متشائم جدا كده
الفقراء طبعا لديهم اصدقاء ، والمال لا يشتري كل شئ
اتفق معك ان الوضع صار بشع فنرى الغنى الفاحش والفقر المدقع وده ظلم
فلابد من وقفة
عايز تضحك 0000 تعال بسرعة
عايزة تضحكي 0000 تعالي فورا
مستنيكم
يا أعزائي
اخي المحترم اسامة
عادت المدونات المسروقه
اي نعم عادت وهي مازالت ناقصه
ولكن اهي عادت
عموما
احببت ان امر حتي اسلم عليك
واقولك وحشتنا ادراجاتك المميزه
تحياتي لك